Roja şêşemê 22yê îlonê Serokê Parlamentoya Îranê Mihemed Baqir Qalîbaf serdana Muzexaneya Neteweyî ya Şoreşa Îslamî û Parastina Pîroz a li Tehranê kir û li wir behsa şiyan û hêza Îranê kir.
Mihemed Baqir Qalîbaf ragihand ku Îran îro dikare bê sînordarkirin mûşekên balîstîk çend hezar kîlometre dûr bavêje.
Mihemed Baqir Qalîbaf lê zêde kir ku divê Trump bizanibe ku ew nikare hêza xwe li ser neteweya Îranê û hêzên çekdar ên Îranî bisepîne.
Qalîbaf got ku divê dijmin bizanibe ku dan û standin jî qadeke têkoşînê ye û dîplomasî ne teslîmbûn e.
Lê belê ew veguherandina hêza qadê bo destkeftiyeke siyasî ye.
Di dawiyê de, Serokê Parlamentoya Îranê diyar kir ku ew bi tundî li dijî şerê hevbeş ê leşkerî, aborî û medyayî yê dijmin radiwestin û ew li qadê amade ne û xwe radest nakin.
Mustefa Îzdî: Em şiyanên xwe yên leşkerî xurt dikin
Têkildarî mijara hêza Îranê ya mûşekî, Cîgirê Fermandarê Supaya Pasdarên Îranê Mustefa Îzdî roja duşemê 21ê îlonê ragihand ku Îran şiyanên xwe di warên mûşekî, dron, mûşekên krûz, pergalên sîber, şerê elektronîk û parastina hewayî de xurt dike.
Her wiha Îzdî anî ziman ku Eniya Berxwedana Îslamî jî li qadê ye û şervanên Yemenî ber bi rûbirûbûna bi dijmin re diçin.
