Li Bakurê Kurdistanê li navçeya Silopyayê ya Şirnexê, polîsên bi navê E.K. û O.Ş., bi rêya telefonê xwe gihandine gelek sivîlan û wiha gotine:
''Sicîlên we li dozgeriyê hene, heke hûn 5 hezar dolar bidin me, em ê siclên we betal bikin.''
Li ser vê bûyerê lêpirsîna polîsan hatiye destpêkirin û polîs hatine binçavkirin.
Piştî îfadeyên polîsan a li Fermandariya Cendirmeyan a Şirnexê ji aliyê dadgehê ve bi sûcdariya ku “xelk xapandine” her du polîs hatin girtin.
Hat zanîn ku piştî hatin girtin her du polîs birin Girtîgeha Tîpa T a Şirnexê.
