Navenda Lêkolînên Qadê ya Sosyo Polîtîk (SAMER) di navbera 18-20’ê Gulanê de, li 16 bajarên Bakurê Kurdistanê lêkolînek di derbarê kongreya PKK’ê û pêvajoya çareseriyê de pêk anî. Di SAMER’ê a li ser pêvajoyê de, piştgirî ji bo biryarên kongreya PKK’ê ji %71.5 e.
Piraniya welatiyan diyar kirin ku pêşketina pêvajoyê girêdayî helwesta meclîs û hikumetê ye. Di rapirsiya SAMER’ê de bi hezar û 504 kesan re hevdîtin hat kirin. Piştgiriya xurt a ji bo biryarên kongreya 12’emîn bal kişand.
‘Biryara PKK’ê erênî hat dîtin’
Ji %71.5 ê beşdarên rapirsiyê, biryara ‘fesixkirinê’ ya kongreya 12’emîn a PKK’ê erênî pêşwazî kirin.
Di nava vê rêjeyê de yên ku biryarê gelekî erênî dibinin %15.1 e.
Ji %56.4 tenê erênî dibînin.
Ji %17.4 beşdaran diyar kirin ku ew bê biryar in û tenê ji % 6’ê beşdarvanan biryar neyînî nirxandin.
Ji bo pirsa “Bi dîtina we, ev biryar dê aştiyê pêk bîne?” jî:
Ji %36.8’ê beşdaran gotin “Erê.”
Ji %27.9’ê beşdaran gotin “Dibe”
Ji %22.7’êbeşdaran jî gotin “na”
‘Berpirsyarî li ser milê meclîs û hikumetê ye’
Piraniya beşdarên rapirsiyê (ji %48.4) dest nîşan kirin ku berpirsyariya aştiya mayînde li ser Meclîsê ye.
Ji %39 berpirsyarî dane li ser milê partiya desthilatdariya AKP-MHP’ê ye.
Ji %6.1 berpirsyarî dane li ser milê DEM Partiyê ye.
Ji %2.5 berpirsyarî dane li ser milê civakê.
Ji %79’ê beşdaran diyar kirin ku divê meclîs bi rengekî çalak însiyatîfa pêvajoyê werbigire.
Ji % 8.7’ê beşdaran diyar kirin ku ew bê biryar in.
Ji %6’ê beşdaran jî di vê mijarê de bersiva “Na” dan.
‘Daxwaza destûra bingehîn a nû’
Ji % 67.4 rêjeya beşdaran di wê baweriyê de ne ku ji bo çareseriyeke mayînde pêwîstî bi destûra bingehîn a nû heye. Bersiva pirsa dê çareseriyek mayînde çawa pêk were jî bi vî rengî ye:
Gavên demokratîk û cihê baweriyê %13.6
Karê ji bo aştiyê %7.6
Tevlîbûna meclîs û partiyên siyasî %7
Misogerkirin mafê Kurdan di destûra bingehîn de %5.8
Berdana girtiyên siyasî û guhertina destûra bingehîn %4.5
‘Dengên DEM Partiyê zêde dibin’
Ji beşdarên rapirsiyê hate pirsîn “Eger vê yekşemê hilbijartin pêk bên. Hûnê dengê xwe bidin kîjan partiyê?” bersivên hatin dayîn bi vî rengî ye:
Ji %44.9’ê beşdaran gotin “DEM Partî”
Ji %19’ê beşdaran gotin “AKP” e
Bi vê rengî dengên DEM Partiyê li gorî hilbijartinên giştî yên 2023’an ji %3.7 pûanan zêde bû, yên AKP’ê ji %5.9 pûanan kêm bû.
Rustem Elîko