Di 19'ê adarê de, bi îmzeya zêdetirî 200 kesayetên cuda yên Başûrê Kurdistanê, ji bo yekîtiya gelê Kurd projeyeke neteweyî hate destpêkirin.
Bi dirûşmeya 'Yek e yek e yek e, gelê Kurd yek e' projeyeke neteweyî ji bo yekîtiya gelê Kurd hat destpêkirin.
Ev xebata neteweyî bi daxuyaniyeke nivîskî hat ragihandin.
Roj bi roj piştgiriya kesayet, sazî, rêxistin û partiyan ji bo vê pêngava yekîtiya neteweyî zêde dibe.
Di vê çarçoveyê de Partiya Komunîst a Kurdistanê jî, bi daxuyaniyekê piştgiriya xwe ji 'Projeya Yekîtiya Netewî' re, nîşan da.
Daxuyaniya Partiya Komunîst a Kurdistanê wiha ye:
"Ji ber baweriya me ya bi çarenûs û têkoşîna hevpar, em piştgiriyê didin banga ‘Projeya Yekîtiya Neteweyî ’ da ku navendên biryardanê yên li cîhanê bihejîn in.
Me her tim tekezî li ser yekîtî û helwesta yekgirtî ya Kurdistanî kiriye.
Yekîtî prensîba sereke ya serkeftin, parastina maf û azadiyên me û temamkirina qonaxa rizgariya neteweyî ye.
Ev yek gelek erk û berpirsyariyên hevpar yên berfireh dixe ser milê her kesî.
Her parçebûn û nakokî yan belavkirina gotinên nefretê, ziyanê dide yekîtiyê.
Ji ber vê yekê, divê ew bi aliyekî de werin danîn û rêz ji cudahiyan re were girtin, ji ber ku yekîtî nayê wateya redkirina cudahiyan.
Berevajî wê yekê, yekîtiya neteweyî bernameya xebata me ya hevbeş e, ji ber ku armanca mezin a gelê Kurd xurt dike."
Her wiha wekî Partiya Komunîst a Kurdistanê, em bi temamî piştgiriyê didin kampanyaya Projeya Yekîtiya Neteweyî .
Di heman demê de, ev daxwazeke ji bo her welatiyekî/eke Kurd û her kesê ku baweriya wî bi azadiya neteweyan heye.
Partiya Komunîst a Kurdistanê diyar kir ku, ew piştgiriya peyama siyasetmedar û rewşenbîrên çar aliyên Kurdistanê dikin.
