Qebîleya Begara di der barê kuştina ciwanekî li Idlibê de nerazîbûn nîşan da.
Hate ragihandin ku li herêma Ebû Dihûr a li rojhilatê Idlibê di encama kemîna komeke çekdar de, ciwanek ji qebîleya Begara hat kuştin û ciwanek jî birîndar bû.
Rûspiyên qebîleya Begara Haşimiye di der barê bûyerê de daxuyaniyek dan û bertekên xwe nîşan dan.
Di daxuyaniyê de wiha hat gotin:
"Çekdarên eşîrekê li gundê Hermele kemînek ji ciwanên êla El Bû Asî (şaxeke qebîleya Begara) re danî.
Di kemînê de ciwanek hat kuştin, yek birîndar bû û nêzî 10 ciwanên din lêdan xwarin.
Çekdar piştî êrîşê reviyan."
Di daxuyaniyê de hat destnîşankirin ku ev bûyer ne tekekesî ye, lê plankirî ye û ji ber aloziyên berê ye.
Rûspiyên qebîleyê bang li aliyên têkildar ên hikûmeta veguhêz kirin ku destwerdanê bikin û hesab ji êrîşkaran bixwazin.
