Parlamentera berê ya Partiya Demokratîk a Gelan (HDP) a Amedê, Semra Guzel ku di çarçoveya dozeke di sala 2017’an de li dijî wê hatibû vekirin, parêzbendiya wê hatibû rakirin û di 3’yê Îlona 2022’yan de hatibû girtin, di danişîna dawî ya îro de bi şertê kontrola edlî hat berdan.
Piştî ku Semra Guzel ku ji Girtîgeha Jinan a Kandirayê hat berdan, ji aliyê hevalên xwe, Tevgera Jinên Azad (TJA), aktivîsta TJA Sebahat Tuncel, Komeleya Alîkarî û Hevgirtina Malbatên Girtiyan û Hukumxaran a Marmarayê (MATUHAY-DER), Meclisa Jinan a Partiya Wekhevî û Demokrasiyê (DEM Pasrti) û rêxistina bajarê Stenbolê ya DEM Partiyê û gelek welatiyan ve bi kulîlk û dirûşmeyan hat pêşwazîkirin.
Semra Guzel, piştî serbestberdanê li ber Girtîgeha Jinan a Kandirayê diyar kir ku her çend wê azadiya fizîkî bi dest xistibe jî dema ku girtiyên siyasî hîn jî di girtîgehê de bin, axaftina wê zahmet e û wiha got: "Heta ku hevalên me azad nebin, em nikarin xwe azad bibînin. Em nikarin wê hestê biceribînin."
Her wiha Parlamentera berê ya Partiya Demokratîk a Gelan (HDP) Huda Kaya jî, hat berdan. Di heman demê de, parêzera Huda Kayayê Zîlan Leventoglûyê ragihand ku piştî itîraza ku kirine Huda Kaya hatiye berdan.
