Parêzerê Nevzat Bahtiyar xwe ji dosyaya qetilkirina Narîn Guranê vekişand

Alî Eryilmaz li ser hesabê xwe ya medyaya dijîtal diyar kir ku piştî di dozê de biryar hat dayin hempîşeyê wî ku bi hev re pêvajoya dozê dişopand dev ji parastina heqîqetê berdaye û kampanyayên lînçkirinê yên li dijî wî birêxistin kiriye. 

Eryilmaz eşkere kir ku qeydekî deng a tê îdiakirin aydê heman parêzerî ku digot:

 “Narîn ji hêla Nevzat ve hatiye kuştin” êdî bo wî bûye noqteya dawî û wiha lê zêde kir:

 "Tevî van qewimînan jî miwekîlê min û malbata wî li dijî vê xiyanetê xwe bêdeng kir û ez bi tenê hiştim. Ji ber bi van sedeman min xwe ji dozê vekişandiye."

 Zaroka 8 salî Narîn Guran, di 21’ê Tebaxa 2024’an de li gundê Çulî yê navçeya Rezanê ya Amedê winda bû û cenazeyê wê di 8’ê Îlonê de di rûbarê gund de hate dîtin.