Mîrê Kuweytê yê dewletekî Ereba, Şêx Mişal El-Ehmed El-Cabir El-Sebah, piştrast kir ku welatê wî xwedî "mafê tam xwezayî ye ku welatê xwe biparêze.
Mîrê Kuweytê tekez kir ku wê serwerî û berjewendiyên xwe biparêzin.
Şêx Meşal El-Ehmed El-Cabir El-Sebah ragihand ku êrîşên Îranê binpêkirineke eşkere ya ewlehî, serwerî û aramiya welatên herêmê ne.
Mîrê Kuweytê wiha got:
" Dewleta Kuweytê mafê xwe yê tam û xwezayî yê parastina xwe li gorî madeya (51) a Peymana Neteweyên Yekbûyî di bersiva vê êrîşa eşkere de, bi awayekî ku li gorî mezinahî û şêweyê vê êrîşê be, piştrast dike."
Her wiha Şêx Meşal El-Ehmed El-Cabir El-Sebah diyar kir ku êrîşên ku welatên xwişk hedef girtine, êrîşên li ser ewlehiya tevahiya herêmê ne û gefeke rasterast li ser aramî û aştiya wê ne.
Şêx Meşal El-Ehmed El-Cabir El-Sebah di berdewamiya axaftina xwe de wiha got: "Hevgirtina tevahî ya Dewleta Kuweytê bi birayên xwe re û piştgiriya wê ji bo hemû tedbîrên ku ji bo parastina serweriya welatê me, ewlehiya gelên me û aramiya wan têne girtin."
Mîrê Kuweytê wiha lê zêde kir:
"Welatê me xeta sor e û serweriya wê bi îradeya gelê wê û mêrxasiya jin û mêrên wê tê parastin û em ê nehêlin ku ti welatek, ewlehî an aramiya wê bixe xeterê.
Em bang li civaka navneteweyî dikin ku bi berpirsiyariyên xwe rabin û van êrîşên hovane rawestînin."
Di dawiyê de Mîrê Kuweytê got ku dewleta Kuweytê, bi saya Xwedê û bi saya hevgirtina wan dikare li hemberî hemû dijminên xwe bi ser bikeve.
