Cîgirê Fermandariya Giştî yê Hêzên Ewlekariya Hundirîn li Parêzgeha Hesekê Mehmûd Xelîl, di der barê serdana şandeya parêzgeha Hesekê de ji bo Şamê daxuyanî dan.
Daxuyanî wiha ye:
"Di çarçoveya vexwendineke fermî ji hêla birêz serok de, me li gel Parêzgarê Hesekê Birêz Nûredîn Ehmed û Fermandarê Hêzên Ewlekariya Hundirîn li Parêzgeha Hesekê Merwan El Elî, serdana Şamê kir û bi hev re li Koşka Gel û bi beşdriya şandeyên ji hemû beşên civakê, meşeleya Newrozê vêxist û hev du pîroz kir.
Piştî vê yekê, civîneke taybet bi Serok Ehmed Şera re hat lidarxistin."
Di berdewamiya daxuyaniyê de wiha hate gotin: "Di wê civînê de gelek mijarên girîng hatin gotûbêjkirin, bi taybetî mijara dîlgirtiyan û vegera koçberan ji bo bajarên Efrîn, Serê Kaniyê û deverên din.
Her wiha me li ser girîngiya bicihanîna hemû bendên peymana 29`ê Çileyê nîqaş kir.
Di dawiya daxuyaniyê de wiha hate gotin: "Bi fermana Serok Ehmed Şera û bi armanca pêşxistina mekanîzmayên zelal ji bo çareserkirina pirsgirêkan û xurtkirina pêvajoya aramiyê li welêt, komîteyeke taybet ji bo şopandina van mijaran hate damezrandin. "
Cîgirê Fermandariya Giştî yê Hêzên Ewlekariya Hundirîn Siyamed Efrîn û Parêzgarê Hesekê Nûredîn Ehmed çûn şamê û bi Serokê Sûriyê Ehmed Şera re agir pêxistin û Newroz li wir pîroz kirin.
