Di civînê de, siyasetmedara Kurd Îlham Ehmed, Fermandarê Tûgaya Kobanê Mehmûd Berxwedan, endamê Komîteya Entegrasyonê Xeznê Nebî û Gerînendetiya Herêma Kobanê amade bûn.
Civîn li avahiya parêzgariya Helebê pêk hat.
Li gorî Kanala Exbariya Sûriyê, di civînê de pêvajoya entegrasyona îdarî, ewlehî, leşkerî û rewşa xizmetguzariyê hatin gotûbêjkirin.
Her wiha dosyaya vegera şêniyên li herêmên ku entegrasyon lê tên kirin, dozên girêdayî amadekirina mercên guncaw ên vegera koçberan û berdewamkirina xebatên xizmetguzariyê li wan herêman bi taybetî Efrîn, Şêxmeqsûd û Eşrefiyê hatin nîqaşkirin.
