Lûtkeya Med 9: Em çaereseriyeke siyasî ji bo Sûriyê dixwazin

Lûtkeya Welatên Başûr ên endamên Yekitiya  Ewropayê (Med 9), duh li bajarê peravê Portorož ê Slovenyayê bi dirûşmeya "Slovenya di dilê Deryaya Spî de" hate lidarxistin. 

Di lûtkeyê de rayedarên 9 welatên endamên Yekitiya Ewropayê yên ku li ser Deryaya Spî amade bûn.

Her wiha seroka Komîsyona Ewropayê Ursula von der Leyen û qiralê Urdunê Abdullah El Sanî beşdar bûn.

 Lûtke bi encamnameyekê bi dawî bû.

Naveroka encamnameyê jî wiha ye:

 ”Divê li Sûriyê çareseriyeke siyasî were peydakirin ku mafê tevahî pêkhateyên Sûriyê misoger bike.

 Her wiha divê zemîneke guncav ji bo vegera ewle, daxwaz û mayîndebûna penaberan were avakirin.”