Di 24ê Hezîrana 2026`an de du erdhejên bi pileya 7,2 û 7,5an ku li nêzî Karakasê paytexta Venezuelayê pêk hatin.
Amarên nû roja Înê ji hêla Jorge Rodriguez, serokê Meclîsa Neteweyî ya Venezuelayê ve hatin weşandin.
Serokê meclisê, destnîşan kir ku hejmara qurbaniyên her du erdhejên ku meha borî li welêt qewimîn gihîştiye 5,069an.
Li gorî amaran, hejmara kesên ku ji ber her du erdhejên ku di 24ê Hezîranê de qewimîn birîndar bûne, li 16,740î neguheriye, her wiha 17,907 kes jî bê cih û war mane.
Tevî ku rayedarên Venezuelayê, der barê hejmara kesên winda de, ti daxuyaniyeke fermî nedane jî, lê Neteweyên Yekbûyî (NY) texmîn dike ku dibe ku hejmara windayan gihîştibe 50 hezar kes.
Li Meksîkayê erdhejek bi pileya 7.4 çêbû
Her wiha duh jî erdhejeke bi hêza 7.4 pileyî li peravên eyaleta Chiapas a başûrê Meksîkayê qewimî, ku bû sedema hişyariya tsûnamiyê, di heman demê de niştecihên Guatemala û Salvadorê yên cîran jî lerzînê hîs kirin.
Heta niha ti raporek derbarê ziyanên ji ber erdhejê ji rayedaran nehatiye belavkirin
Lêkolîna Jeolojîk a DYA`yê got ku erdhej li nêzîkî bajarê Puerto Madero yê Meksîkayê bi kûrahiya nêzîkî 10 kîlometreyan çêbûye, ku bandora wê li ser deverên nêzîk zêde kiriye.
Piştî erdhejê, sîstema hişyariya tsûnamiyê ya Dewletên Yekbûyî yên Amerîkayê hişyarî da û got dibe ku pêlên tsûnamiyê yên xeternak li peravên ku di nav 300 kîlometreyan de ji navenda erdhejê biqewimin.