Wezareta Karê Derve ya Urdunê ragihand ku ji bo piştgiriya "Pêvajoya jinûve avakirina Sûriyeyê." wê roja sêşemê, civîneke hevbeş di navbera Urdun, Sûriye û Dewletên Yekbûyî ya Amerîkayê de bê lidarxistin.
Wezaretê da xuyakirin ku wê civîn di navbera wezîrê derve yê Urdunê Eymen El Sefedî, wezîrê derve yê Sûriyeyê Esed El Şîbanî û nûnerê taybet ê Amerîkayê Tom Barrack de be.
Rayederan eşkere kirin ku di civînê de, rewşa li Sûriyeyê û pêkanîna daxwazên gel û parastina mafên hemû Sûrîyeyiyan, wê werin nîqaşkirin.