Duh Îsraîlê biryara darvekirina girtiyên filistînî di zindanên xwe de da.
Li Sûriyê ev biryar bû cihê nerazîbûnê û bertekan.
Şevê din xelkê Sûriyê li gelek deveran daketin qadan û ev biryar şermezar kirin.
Li Dera, Quneytirayê, Şam û Helebê banga berdana girtiyên filistînî kirin.
Li Dera û Quneytirayê, bertekên wê ji yên parêzgehên din cudatir bûn.
Li van herdu parêzgehan xelk ji hemû bajar û bajarokan xwe kom bûn û berê xwe dan sînorê Sûriyê-Îsraîlê.
Navenda Çavdêriya Mafên Mirovan a Sûriyê, eşkere kir ku welatiyên Dera dixwestin sînor derbas bikin.
Li wir Artêşa Îsraîlê bi ser welatiyan de bombeyên şewqê avêtin.
Paşê hêzên ewlehiyê yên Hikûmeta Veguhêz a Sûriyê mudaxele kirin.
Hêzên Ewlehiyê rê li ber welatiyên ku dixwestin derbasî Îsraîlê bibin, girtin.
