Serokê Amerîkayê Donald Trump ji bo beşdarbûna li Lûtkeya 36’emîn a NATO’yê gihîşt Enqereyê.
Rojnamevanên ku bi Turmp re hatibûn, peya bûn.
Trump li benda serokkomarê Tirkiyê Tayyîp Erdogan sekinî.
Erdogan hat û Trump pêşwazî kir.
Piştre derbasî Koşka Serokkomariyê ya Tirkiyê bûn.
Trump: Em ê mijara f-35 gotûbêj bikin
Piştî serokê DYA’yê Trump li Balafirgeha Enqereyê hat pêşwazîkirin, li Beştepeyê bi Erdogan re hevdîtineke dualî pêk anî û daxuyaniyeke hevpar dan çapemeniyê.
Destpêkê serokê DYA’yê Trump mafê axaftinê girt û got:
"Hûn serokekî wiha ne ku li tevahiya cîhanê rêz ji we re tê girtin.
Bawer dikim ku li ser mijara F-35, ji vê lîstika lîderan biryareke xêrê dê derkeve, em ê mijara F-35 nîqaş bikin. "
Ji aliyekî din ve Trump bal kişand ser rakirina cezayên CAATSA’yê û got:
"Dem hatiye, em naxwazin li hevalên xwe cezayan ferz bikin."
Serokkomarê Tirkiyê Erdogan jî ev tişt anîn ziman:
"Em dixwazin bi her awayî tiştê ji destê me tê bikin û ji bo aştiya cîhanê gavan biavêjin.
Ji bo dabînkirina aştiya li herêmê, em bi dostê xwe yê hêja Trump re diaxivin û em vê sempozyûma lîderan pir girîng dibînin.
Mijara F-35 ji bo me ne mijareke nû ye; me berê jî ev mijar bi Amerîkayê re gotûbêj kiribû û me soza 5 balafiran jî dabû."
Erdogan: Trump xwedî li sozên xwe derdikeve
Erdogan da zanîn ku ew ji bo mijara F-35 berê ji Trump soz girtiye û got ku Trump her tim li ser soza xwe ye.
Her wiha Erdogan destnîşan kir ku ew ê geşedanên di navbera Rûsya û Ûkraynayê de jî bi dostê xwe Trump re parve bikin, gotûbêj bikin û li gorî wê jî gavên xwe biavêjin.
Li gorî plansaziya lûtkeyê, Trump dê piştre beşdarî şîva fermî ya êvarê bibe ku di çarçoveya Civîna Bilind a Rêberên NATO’yê de tê lidarxistin.
Di roja duyem a civîna bilind de jî, tê pêşbînîkirin ku ew bi serokê Dewleta Ûkraynayê Volodimir Zelenskiy û serokkomarê Hikûmeta Veguhêz a Sûriyê Ehmed Şera re hevdîtinên dualî pêk bîne, daxuyaniyeke çapemeniyê bide û piştre ji Enqereyê veqete.
