Îlham Ehmed: Rê ji bo jinan nayê dayîn ku biryardar bin

Li Silêmaniyê bi tevlîbûna rêjeyek baş a jinan, çalakvan û siyasetmedarên ji çar beşên Kurdistanê Sampozyoma bi navnîşana ‘Jeopolîtîka Kurdistanê û Rewşa Jinan’ hat li darxistin.

Ev Sampozyom bi pêşengtiya Saziya REPAK û Saziya Azadbûn hat li darxistin.

Hevseroka Peywendiyên Derve ya Rêveberiya Xweser Îlham Ehmed bi rêya dîmenekê beşarî sempozyumê bû û ev peyam da.

Îlham Ehmed anî ziman ku ji bo mafê Kurdan û jinan di destûrê de bê mîsogerkirin dest bi pêvajoyeke ya entegrasyonê kirin e û wiha domand:

"Niha nakokî li ser pirsa entegrasyona jinan û taybet hêza jinan heye. Rê ji bo jinan nayê dayîn ku di nava biryardariyan de cih bigirin."

Îlham Ehmed: Ya girîng yekitiya navxwe û rêxistinkirina civakê ye

Îlham Ehmed qala yekitî û yekbûna navxwe jî kir û wiha lê zêde kir:

"Tişta ku niha herî girîng yekitiya navxwe û rêxistinkirina civakê ye. "

Hevseroka Peywendiyên Derve ya Rêveberiya Xweser a Rojavayê Kurdistanê di dawiyê de bibîrxist ku xeteriyên mezin divê bi yekitiyê bê derbaskirin û mafê Kurdan di destûrê de bê mîsogerkirin.