Rêxistineke mafên mirovan eşkere kir ku Hêzên Piştgîrîya Lezgîn ya Sudanê êrîşî gundê Qirnî ya dikeve bakur rojavayê bajarê El Feşer kir.
Di encamê de, 14 sivîl hatin kuştin û bi dehan jî birîndar bûn û hejmarek ne diyar ji sivîlan jî hatin girtin.
Artêşa Sudanê ragihand ku hêzên wan bersîva êrîşên Hêzên Piştgîrîya Lezgîn li ser El Feşer dan û zirarek mezin gihandiye hêzên wan.
Li Sudanê zêdetirî 2 salane, di navbera Artêşa Sudanê û Hêzên Piştgirîya Lezgîn şer berdewam dike.
Di encama vî şerî de, 20 hezar kes hatine kuştin û 15 milyon kesên din jî koçber bûne.
Lê li gorî lêkolîna Zanîngehên Amerîkiyê, hejmara kesên hatine kuştin derdora 130 hezarî ye.