Navenda Çavdêriya Mafê Mirovan Li Sûriyê ragihand ku di nava 24 demjimêran de 9 kes li Siweydayê hatine kuştin.
Kesên ku hatine kuştin 4 ji hêzên Durzî ne û 5 ji komên çekdar ên Hikûmeta Veguhêz a Sûriyeyê ne.
Li gor daxuyaniya SOHR hejmara kuştiyan di şerê Siweydayê de gihiştiye 1520 kesan.
Şerê Siweydayê di 13`ê tîrmehê de dest pê kiribû û piştî 7 rojan, agirbestek hatibû ragihandin, lê heya niha ew agirbest bi temamî nehatiye bicihkirin û rojane di bin navên cuda de, êrîş li ser çend gund û bajarokên girêdayî Siweydayê tên kirin.
