Li qada Kerama ya li Siwêdayê xwepêşandanek hat lidarxistin.
Komeleya 'Birayên Xwînê ya ji bo Birîndarên Şer' û malbatên kesên ku ji aliyê Hikumeta vVeguhêz a Sûriyê ve mexdûr bûne, beşdarî çalakiyê bûn.
Beşdaran, pankartên ku daxwaza berdana girtiyan û zelalkirina çarenûsa windahiyan dikin û wêneyên windhiyan û birîndarên şer, hilgirtin.
Xwepêşanderan bi daxuyaniyekê daxwaza eşkerekirina çarenûsa windahiyan û peydakirina dermankirin û piştgiriya darayî ji bo birîndaran kirin.
Yek ji birîndarên şer Sair Ezam diyar kir ku ew dixwazin hemû girtî werin berdan û wiha got:
Em îro, ji bo birîndar û girtiyan derketine. Daxwaza me berdan girtiyan e.
Em bi hêvî ne ku aliyên têkildar van daxwazan bi cih bînin.
Birîndarê şer ê binavê Behîc Selam jî axivî û heman daxwaz kir.
Her wiha eşkere kir ku ew piştigriya Şêx Hikmeta Hicrî dikin.
Xwepêşanderan da zanîn ku xwepêşandan dê heta ku bersiveke berbiçav neyê bidestxistin, berdewam bikin.
