Hêzên ewlehiyê yên Îranê ragihandin ku 13 çekdar Li Sîstan û Belûçistanê hatin kuştin û çend kesên din jî hatin girtin.
Li gorî daxuyaniya Supaya Pasdarên Îranê, li bajarên Îranşehr, Haş û Seravanê yên parêzgeha Sîstan û Belûçistanê şer derket.
Di encamê de, 13 çekdar hatin kuştin, gelek kes hatin girtin, gelek çek û cebilxane jî hatin bidestxistin.
Di daxuyaniyê de, hejmara girtiyan nehatiye eşkerekirin û her wiha Îranê îdîa kir ku 8 ji kuştiyan, roja Înê ya borî 5 polîs kuştibûn.
Parêzgeha Sîstan û Belûçistanê yek ji herêmên herî xizan ên Îranê ye ku li ser sînorê Efxanistan û Pakistanê ye.
© 2026 – NÛÇE TV Hemû maf parastî ne. Nûçe Rastî ye