Li Başûrê Kurdistanê, 35 kesên ku ji ber barîna berfa zêde li gundekî qezaya Sîdekanê asê mabûn, hatin rizgarkirin.
Rêveberiya Parastina Şaristanî ya Soranê, bi daxuyaniyekê ragihand ku 7 malbat ji niştecihên Soranê pêk hatibûn, ji bo geşt û pîrozbahiyên sersalê çûbûn gundê Çemelwanê.
Lê ji ber barîna berfê û girtina rêyan, du rojan li wir asê mabûn.
Her wiha 18 kesên din ku ji 4 malbatan pêk tên, hîn jî di gund de ne, lê tîmên hawarhatinê di hewildanên berdewam de ne da ku wan jî bi temamî rizgar bikin.
© 2026 – NÛÇE TV Hemû maf parastî ne. Nûçe Rastî ye