Li devera Şeqîf a bakurê taxa Şêxmeqsûd a Helebê, banek hat xwarê û di encamê de 4 kes birîndar bûn û kesek di bin kavilan de ma.
Hilweşandina vî banî di dema xebatên nûkirina avahiyê ya baregehekê li devera Şeqîf a pişesazî de pêk hat.
Heta dema amedekirina vê nûîeyê jî kesek di bin kavilan de maye, tevî hewldanên tîmên parastina sivîl ji bo dîtin û rizgarkirina wî.
6`ê Adara borî jî avahiyeke niştecihbûnê ya 5 qatî hilweşiya, di encamê de 12 kesan jiyana xwe ji dest da, ew jî 5 jin, 5 mêr û 2 zarok bûn.
© 2026 – NÛÇE TV Hemû maf parastî ne. Nûçe Rastî ye