Li ser sînorê Pakistan-Efxanistanê di navbera artêşa Pakistanê û Talîbanî de pevçûn derket, di encamê de 20 çekdarên Talîban ê Efxanî hatin kuştin.
Çavkaniyên ewlehiyê yên Pakistanî diyar kirin ku hêzên Efxanî bi guleyan li xaleke sînor ya li navçeya Kurram a parêzgeha Xeyber Paktunxwa ya Pakistanê reşandin.
Piştî vê bûyerê artêşa Pakistanê bi topên giran bersîv dane, di encamê de çend çeper û tankên Talîbanê wêran kirin.
Wezareta Parastinê ya Efxanistanê ragihand ku di nava hefteyekê de, hêzên "Îmarata Îslamî ya Efxanistanê" 58 leşkerên Pakistanî kuştine.
Lêbelê, artêşa Pakistanî ev hejmar red kir û îdia kir ku wan tenê 23 leşker winda kirine.
Sînorê di navbera her du welatan de, herî kêm 2 hezar û 600 kîlometre ye.
