Di 29`ê çileyê de di navbera Hêzên Sûriya Demokratîk û Hikûmeta Demkî ya Şamê de, peymanek pêk hatibû û di 30`ê Çileyê de ev peyman hat eşkerekirin.
Di çarçoveya pêkanîna bendên peymanê de, di 2`yê Sibatê de şandeyên Şam û Rojava li Cizîr û Kobanê hevdîtin kirin.
Di hevdîtinan de, herdu alî, li ser qadên leşkerî û ewlekariyê rawestiyan.
Têkildarî hevdîtinan, ji 10’ê Sibatê ve, li herêma Cezîrê û Kobanê hêzên leşkerî û hêzên Ewlekariya Hundirîn di cihên ku ji bo wan hatine diyarkirin de bi cih dibin.
Li gorî Peymanê, Hêzên Hikûmeta Demkî ya Şamê, ji hinek xalên ku li Herêma Cizîrê û Kobanê têde bi cih bibûn vekşiyan cihên ku ji bo wan hatine diyarkirin.
Heta niha li hin cihên Hesekê, Qamîşlo, Girkê Legê, Tirbespiyê, Çilaxa û herêmên Şêxlêr ên Kobanê ji nû ve bicihkirin pêk hatiye.
Lê tevî vê yekê jî, hîna cihên weke Til Koçer, Til Hemîs, Holê û her wiha li aliyê Kobanê li deverên weke Çelebiyê û Sirînê Hêzên Hikûmeta Demkî ya Şamê venekişiyane û ew dever devrî hêzên asayîşê û QSD'ê nekirine.
