Parêzgarê Hesekê û Rêveberiya Xweser a Cizîrê bi şandeyeke Wezareta Enerjî û Çavkaniyên Avê a Hikûmeta Veguhêz a Sûriyê re, civiya.
Di civînê de, rewşa sazî, çavkaniyên avê û rêbazên pêşxistina hevkariyê, hatin gotûbêjkirin.
Şandeyeke Hikûmeta Veguhêz bi parêzgarê Hesekê re, rewşa saziyên av û enerjiyê gotûbêj kir.
Parêzgar Nûredîn Ehmed, pêşwazî li nûnerê Wezareta Enerjî û Çavkaniyên Avê ya Hikûmeta Veguhêz a Sûriyê Xalid El Xazî û şandeya pê re kir.
Hevserokên Meclisa Rêveberiya Xweser û çend şêwirmend jî beşdarî civînê bûn.
Di civînê de, li ser mekanîzmayên entegrasyon û hevkariya di navbera saziyên enerjî û çavkaniyên avê de, nîqaş hat kirin.
Beşdaran mijara stasyona avê ya Elokê jî nîqaş kir û diyar kirin ku divê tîmeke Komîteya Navneteweyî ya Xaça Sor were avakirin da ku bigihêje stasyonê û santrala elektrîkê ya li bajarê Dirbêsiyê were nûjenkirin.
Her wiha Parêzgarê Hesekê da zanîn ku ew amade ne komîteyan çêkin, da ku rewşa çavkaniyên avê bişopînin û ji nû ve stasyona Elokê bidin xebitandin.
