Fermandarê Giştî yê Hêzên Sûriye Demokratîk QSD’ê Mazlûm Ebdî şevê din ragihandibû ku wan li ser banga hêzên dost û navbeynkaran biryar daye ku hêzên xwe ji herêmên Dêr Hafir û Meskene vekişînin rojhilatê çemê Firatê. Ebdî diyar kiribû ku ewê serê sibehê (17 Çile) saet 07.00’an de dest bi vekişînê bikin.
Piştî vê biryarê hêzên QSD’ê dest bi vekişandina li Dêr Hafir û Meskene kirin. Lê hîn hêzan xwe bi temamî venekişandibû, komên çekdar ên Hikûmeta Veguhêz a Sûriyê êrîşî şervanên ku xwe vedikişandin kirin.
Li ser vê yekê hêzên QSD’ê jî bersiv dan û pevçûn derketin. Di pevçûnan de şervanan derbeyên giran li çeteyan xistin.
Di dîmenên hatine kişandin de kêliyên pevçûnan û seyareyên çekdaran ên hatine rûxandin xuya dikin.
