Hevseroka Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed got, "Em rêveberiya Şamê bi temamî berpirsiyar dibînin ji teşwîqkirina tundûtûjiyê li dijî QSD'ê."
Îlham Ehmed li ser hesabê xwe yê X' ê diyar kir ku Hikûmeta Veguhêz a Sûriyê û komên girêdayî wê peymana li Maskanayê binpê kirine.
Îlham Ehmed got, "Duh Hêzên Sûriyeya Demokratîk (QSD) li hev kirin ku hêzên xwe ji qiraxa rojava ya Firatê vekişînin, tevî bajarokên Dêra Hafir û Maskanah. Lê hêzên girêdayî rêveberiya Şamê bi aşkereyî ev peyman binpê kirine. Pevçûnên dijwar di navbera partiyan de li Maskanah diqewimin. Em rêveberiya Şamê bi temamî berpirsiyar dibînin ji vê binpêkirinê û teşwîqkirina tundûtûjiyê li dijî QSD."
