Serokê Partiya Demokratîk a Lubnanê, ku di heman demê de yek ji berpirsên Durziyên wî welatî ye Telal Arslan pêşwazî li nûnerê Rêveberiya Xweser a Bakur û Rojhilatê Sûriyê, Ebdulselam Ehmed û şandeya bi wî re kir.
Di hevdîtinê de, pêşketinên dawî yên siyasî û ewlehiyê li herêmê, bi taybetî bûyerên li parêzgeha Siweydayê hatin nîqaşkirin.
Ehmed silavên Fermandarê Giştî yê Hêzên Sûriya Demokratîk (QSD), Mezlûm Ebdî, ragihand û tekezî li ser "xurtbûna têkiliyên dîrokî yên di navbera Kurd û Durzî de kir û piştgiriya QSDê ji bo gelê Siweydayê bi taybetî û gelê Sûriyê bi giştî piştrast kir.
Ji aliyê xwe ve jî, Arslan pesnê rola Rêveberiya Xweser û piştgiriya wê ji bo gelê Durzî li parêzgeha Siweydayê da.
