Li paytexta Lubnan Beyrûtê, Konferansa Yekemîn a Ciwanên Partiya Yekîtiya Demokratîk (PYD) bi dirûşmeya "Bi têkoşîna ciwanan, em siberojeke azad û demokratîk biafirînin" hate lidarxistin.
Ev konferans bi destnîşankirina endamên dîwanê dest pê kir.
Analîzên Rêber Abdullah Ocalan ên li ser rola ciwanan di civakê de û rapora Meclisa PYD`ê hatin xwendin.
Mazlûm Ebdî konferansê re dîmen şand
Di konferansê de axaftina bi dîmen ya Fermandarê Giştî yê Hêzên Sûriya Demokratîk (QSD) Mazlûm Ebdî, hate temaşekirin.
Mazlûm Ebdî, têkoşîn û berxwedana ciwanan ji bo azadiya fîzîkî ya Rêber Abdullah Ocalan silav kir.
Piştre rapora Rêxistina Meclîsa Ciwanan a PYD`ê hate xwendin.
Piştî raporê ji bo pêşxistina xebatê nîqaş hate meşandin.
Konferans bi xwendina encamnameyan bi dawî bû.
Di encamnameyê de ev mijar derketin pêş:
Ji bo azadiya fîzîkî ya Rêber Abdullah Ocalan wê çalakiyên bi bandor werin lidarxistin.
Ciwanên ku derveyî welat in ji bo vegera Rojava û tevlîkirina xebatên avakirinê kar were meşandin.
Hemû herêmên Lubnanê avakirina komîteyên ciwanan.
Xurtkirina têkiliyan ciwanan ya Lubnanî û Ereb .
