Di panelê de, Endama Nivîsgeha Jinan a MSD'ê Bêrîvan Hesen li ser geşedanên li Sûriyê axivî û got: "Armanca me nenavendîbûna Sûriyê ye da ku hemû pêkhate bi hev re bijîn."
Seroka Nivîsgeha Jinan a MSD'ê Cîhan Xidiro jî got ku ew di demeke gelekî hesas re derbas dibin, lewma divê her kes êdî xwe bide îfadekirin û wiha lê zêde kir:
“Di avakirina Sûriya nû de, niha Peymana Civakî heye ku her kes û netewe tê de ye. Mafên jinan tê de li pêş in. Divê em bi hev re Sûriyeke pirreng ava bikin.”
Di panelê de, mijarên wekî danîna destûreke nû û rola jinan a di nava civaka Sûriyê de ku niha Hikumeta Veguhêz wê napejirîne, hatin nîqaşkirin.
