Fermandariya Operasyonên Hevpar a Iraqê, ragihand ku hêzên wan di 12 û 14’ê tebaxê de, li dijî çekdarên DAIŞ’ê, li Parêzgeha Kerkûkê, dest bi operasyonê kiribûn.
Di daxuyaniyê de, hat eşkerekirin ku wan bi balafirên F-16’an, stargehên DAIŞ’ê yên li gundê Telîde yê navçeya Daqoq ya ser bi Parêzgeha Kerkûkê bombebaran kirin û di encamê de, 6 DAIŞ`î hatin kuştin.
Di heman demê de jî, Dezgeha Dijeterorê ya Iraqê ragihand ku bi hevkariya teknîka hêzên hevpeymanên navneteweyî, operasyoneke hewayî li navçeya Serhîd Meter a li navbera Kerkûk û Selaheddînê pêk anîn û di encamê de, endamê DAIŞ’ê yê bi navê Selman Xizir Silêman Dawid hate girtin.
