Rojeva sereke ya Îraqê niha komkirina çekan û tevlîkirina Heşdî Şeebî di nava dewletê de ye û li gorî agahiyan dê di destpêka Hezîranê de ev prose dest pê bike.
Muqteda Sedir pêşniyar kiriye ku komên Heşdî Şeebî di nav saziyên xizmetguzarî û xwebexş de bên avakirin, ku ev yek parastina Îraqê ji cezayên aborî dike.
Lê komên wekî ‘Nuceba’ û ‘Ketîbeyên Hizbullahê’ komkirina çekan wekî ‘xeta sor’ dibînin.
Neam Bedel: Hêzên Şengalê rewa ne divê ji aliyê hiqûqî ve werin naskirin
Li gel van guhertinan, hin sazî û dezgehên Îraqê dixwazin derveyî hêzên Şengalê weke YBŞê , YJŞê û Asayîşa Êzidxanê, hin hêzên din jî bînin Şengalê.
Li hemberî vê yekê, Endama Saziya Malbatên Şehîdan a Şengalê Neam Bedel, ev daxwaz red kir.
Neam Bedel diyar kir ku hêzên Şengalê yên heyî rewa ne û divê ji aliyê hiqûqî ve werin naskirin û hewce hatina hêzeke din nake.
Neam Bedel tekez kir ku bi naskirina hiqûqî ya YJŞ`ê û Asayîşê re, dê astengiyên li pêş jinan werin rakirin.
Ji bo kêmkirina rageşiyê û bertekên Şîeyan, Berdevkê Fermandariya Giştî ya Hêzên Çekdar Sebah Numan ragihand ku komkirina çekan ‘stratejiyeke ewlehiyê ya neçarî ye’ ne tenê dirûşmeyeke siyasî ye.
