Li gorî daxuyaniya fermî ya Hûsiyan, balafira şer a Siûdî di dema piştgiriya operasyonên leşkerî de li asmanê Maribê hatiye lêdan. Hûsiyan diyar kir ku firokeyên Hevpeymaniyê di nava hefteyekê de zêdetirî 450 êrîşên asmanî birine ser parêzgehên cuda yên Yemenê û bûne sedema kuştina sivîlan.
Berdevkê Hûsiyan destnîşan kir ku operasyonên wan tenê baregehên leşkerî û aborî yên Siûdiyê dikin armanc û ti metirsî li ser deverên pîroz nîne. Li aliyê din, hikûmeta Erebistana Siûdî êrîşên Hûsiyan şermezar kir û ragihand ku parastina serweriya welat mafê wan ê rewa ye.
