Tevî şer û êrîşên dijwar ên li ser Îranê, dewlet girtin û darvekirinan dewam dike.
Li gorî Rêxistina Mafên Mirovan a Hana, cezayê darvekirina Emîr Ramîş, girtiyekî siyasî yê Belûç, li yek ji zindanên Îranê hatiye bicîhanîn.
Emîr Ramîş, 19 salî ye û xelkê gundê Blinkî yê girêdayî navçeya Pirsohrab bû.
Ajansa Nûçeyan a Mîzan ku girêdayî dadweriya Komara Îslamî ya Îranê ye, ragihand ku ew girtî bi tawana "serhildanê" û endamtiya "Artêşa Edaletê" hatiye darvekirin.
Duh jî, du welatiyên Kurd ên bi navên Seyîd Enwer Elewî yê ji gundê Xanler ê navçeya Oşnaviye û Vahîd Borûmand ê ji bajarê Pîranşarê, ji aliyê hêzên ewlehiyê ve hatine girtin û ji bo cihekî nenas hatine veguhestin.
Her wiha, di 26`ê Nîsanê de jî hat ragihandin ku cezayê darvekirinê yê Nasir Bekirzade, girtiyê siyasî yê Kurd ê li Zindana Navendî ya Urmiyê, ji aliyê Dadgeha Bilind ve hatiye piştrastkirin.
Li aliyê din, Behrûz Hemmatî yê 42 salî, ji bajarê Abdananê û karmendê Nexweşxaneya Resûl Ekrem a li bajêr, ji aliyê hêzên ewlehiyê ve hate girtin.
Li gorî çavkaniyên Rêxistina Hana, piştî girtina wî, Hemmatî bo Girtîgeha Mapare ya li bajarê Darşehr hatiye veguhestin.
