Di pêşbaziyê de bi dehan xwedî hesp û hezkiriyên hespan ji deverên cuda yên Kurdistanê ji bo temaşekirina xweşikahiya hespan amede bûn.
Di pêşbirkê de, hespên herî xweşik ên Erebî dikevin pêşbaziyeke xweşikbûnê û li gorî pîvanên; xweşikiya serî û stû, lihevhatina laş, saxlemiya piyan, bedewî û çelengiya tevgerê tên nirxandin.
Her wiha pêşbazî du rojan berdewam dike û 80 hespên ji temenên cuda beşdar dibin.
Hespa ku nasnavê "Hespa Herî Xweşik a Erebî ya li Kurdistanê" bidest dixe, bi awayekî taybet tê xelatkirin.
Di nav beşdaran de, Zeryan Telat û hevjînê wê bi 12 hespên Erebî yên resen amade bûn û diyar kirin ku sala borî wan pileya yekem bi dest xist û hêvîdar in îsal jî heman serkeftinê dubare bikin.
