Pêşbirka 2'yemîn a hespên esîl bi tevlîbûna şêniyên herêmê, rûspiyên eşîran û nûnerên Rêveberiya Xweser li Çilaxa hat çêkirin.
Di pêşbirkê de 60 siwar ji hemû kantonên herêmê beşdar bûn.
Siwar li gorî temenên hespan, li 6 geran hatin parvekirin.
Di pêşbirkê de hevserokê TEV-DEM Ebduselam Mehmûd axivî û got: "Peyama pêşbirkê diyarkirina girêdana bi reseniyê û jiyana hevbeş e.
Her wiha bi navê meclisa rêveber a kantona Cizîrê Vîviyan Beho anî ziman ku pêşbirk resenî û dîroka gelên herêmê nîşan dide.
Piştre pêşbaziyê dest pê kir û encama gera yekem û duyem hat diyarkirin.
Di dawiya pêşbirkê de her sê siwarên serkeftî û komîteya amadekar hatin xelatkirin.
