Fermandariya Giştî ya Hêzên Asayîşa Parêzgeha Hesekê, bi armanca nirxandina rewşa niha ya herêmê û dosyaya entegrasyonê, civîneke berfireh li bajarê Hesekê li dar xist.
Fermandariyê, derbarê civînê de agahî li ser malpera xwe parve kir.
Civîn, bi beşdariya tevahî efserên Hêzên Asayîşê yên parêzgehê û Fermandarê Giştî yê Hêzên Sûriya Demokratîk Mazlûm Ebdî pêk hat.
Dosyaya entegrasyona bi Hikûmeta Veguhêz a Sûriyê re û derbasbûna ji bo pêvajoya nû ya karê saziyan û şirovekirina rewşa heyî li herêmê, hatin nîqaşkirin.
Di civînê de, gelek xalên sereke hatin zelalkirin ji bo karê efseran di dema pêş de û çawaniya karê wan ji bo xizmeta berjewendiyên giştî di dema veguhastina nû, bi awayekî ku ewlehî û aramiya herêmê misoger bike.
Di dawiyê de, ev yek jî hat piştrastkirin ku Hêzên Ewlekariya Hundirîn, Asayîş, wê ji bo berjewendiyên giştî û parastina ewlehiyê li seranserî parêzgeha Hesekê, di karên xwe de berdewam bin.
