Navenda Belgekirina Binpêkirinan a Bakur û Rojhilatê Sûriyeyê derbarê revandina welatiyan de li herêmên Sûriyeyê raporek weşand.
Di raporê de hate diyarkirin ku herêmên di bin kontrola hikumeta Sûriyeyê û dewleta Tirk de revandin û girtin zêde bûne.
Li gorî raporê ji destpêka Îlona sala 2025'an ve li Efrîn,Heleb û Şamê 14 Kurd hatine revandin.
Hate eşkerekirin ku piraniya bûyerên revandinê di dema serdegirtina malan de û li ser bendên kontrolê pêk hatine.
Her wiha ji destpêka îsal heya dawiya Tebaxê, 190 Kurd hatine revandin.
Navenda Belgekirinê di dawiya raporê de bang li hêzên navneteweyî û rêxistinên hiqûqî kir ku zextê bikin da ku ev kiryar werin rawestandin.
