Di civîneke çapemeniyê de ku ji aliyê Konseya Bajêr a Mûşê ve li Navenda Çanda Porsor Anayê hate lidarxistin, xebatên madenê yên li Giyadînê ku Çemê Mûradê jehrî dikin hatin protestokirin. Hevşaredara Mûşê Tuba Sayilgan diyar kir ku ev proje zirarê dide hemû bajarên li hewza Çemê Mûradê û banga tevlêbûna mitînga 26'ê Îlonê ya li Giyadînê kir.
Her wiha Hevserokê Konseyê Kutbettîn Sonmezer destnîşan kir ku herî kêm 1 milyon û nîv kes di bin metirsiyê de ne û Mûş ava xwe ya vexwarinê ji vî çemî digire.
Serokê Komeleya Parastina Hawirdorê ya Meşeyê Îhsan Aytemîş jî bal kişand ser pêwîstiya têkoşîna parastina jiyanê û xwezayê.
