Navenda Çavdêriya Mafê Mirovan a Sûriyê (SOHR) diyar kir ku li Ezazê, Hêzên Ewlekariya Giştî ciwanek ji malbata el-Hemûş girtin.
SOHR’ê ragihand ku malbata ciwanê girtî, gef li Hêzên Ewlekariya Giştî xwarin û gotin ku eger girtiyê wan neyê berdan, wê hêzên "Ewlekriya Giştî" ji bajêr derxin.
Li parêzgeha Derayê ya başûrê Sûriyê jî, hin çekdarên nenas êrîşî navenda polîsan a bajarê Casim li gundewarê bakurê Derayê kirin.
SOHRê da zanîn ku li Derayê 2 xanî ji aliyê çekdarên nenas ve, hatin şewtandin û maleke din jî, bi RPGyan hate wêrankirin, pişt re qedexeya derketina derve ya demkî li bajarê Tefes û gundewarê rojavayê Derayê hat ragihandin.
