Di sala 2014an de, dema ku çeteyên DAIŞê êrişî Şingalê kirin û ferman anîn serê gelê Êzidî, Ronak Bapîr Xerîb tenê 14 salî bû. Wê di temenê xwe ê biçûk de çek hilda ser milê xwe da ku rûmet, malbat û gelê xwe biparêze.
Di wêneyê yekem de, piştî 7 rojan ji berxwedaneke giran a li ser çiyayê Şingalê, Ronak li gel dayik û xwişka xwe dadikeve û li bendî wesayîtekê ne da ku biçin cihekî ewle. Ew wêne cesaret û lehengiya keçeke ciwan a di nava karesatê de radixe ber çavan.
Îro, di wêneyê duyem de dîmenekî bi temamî cuda heye. Ronak êdî li cihekî aram dijî, zewiciye, bûye dayik û jiyaneke dilxweş derbas dike.
Ev herdû dîmen di heman demê de hem êş û birînên fermanê tînin bîra me, hem jî nîşan didin ku jiyan û hêvî li dijî zilmê serketiye.
