Piştî erdheja bi pileya 7.4 a îro li rojhilatê Endonezyayê ku bû sedema mirina kesekî, hişyariya pêlên tsûnamiya yên bi bilindahiya 75 santîmetreyan hat ragihandin.
Îro li Endonezyayê erdhejek bi pileya 7.4 çêbû.
Hate ragihandin ku ji ber erdhejê kesekî jiyana xwe ji dest da.
Saziya Lêkolînên Jeolojîk a DYA`yê ragihand ku erdheja ku di destpêkê de bi şîddeta 7.8 pileyî hatibû tomarkirin, serê sibê bi dema Endonezyayê li Deryaya Moluccayê çêbûye.
Piştî erdhejê Navenda Hişyariya Tsûnamiyê ya Pasîfîkê ku navenda wê li Hawaiî ye, hişyariya pêlên tsûnamiyê ya xeternak da.
Navenda Hişyariya Tsûnamiyê hişyariya xwe piştî du demjimêran ji erdhejê rakir.
© 2026 – NÛÇE TV Hemû maf parastî ne. Nûçe Rastî ye