Hikûmeta Talîban bi daxuyaniyekê qedexekirina înternetê li seranserê welêt red kir û piştrast kir ku kabloyên kevn ên fiber optîk têne guhertin.
Tevî vê daxuyaniyê, kirinên berê yê Talîban, di serê raya giştî ya cîhanê de rê li ber pirsan vedike.
Di meha borî de berdevkê ofîsa walîtiya parêzgeha Balkhê, gotibû: “Xwegihandina înternetê "bi armanca pêşîgirtina bêexlaqiyê” hatiye astengkirin.
Li welat li dijî zextên Talîban, “yekane têkiliyên bi cîhana derve” ya jinan, torên înternetê ne. Qutbûna înternetê, hemû qanalên ragihandinê yên jinan jî asteng dike.
Di destpêka vê mehê de rayedaran rê nedan jinên ku ji bo Neteweyên Yekbûyî dixebitin bikevin ofîsên wê û berê jî ji bo jinan xwendina navîn hatibû qedexekirin.