Şaxa Komeleya Mafên Mirovan (ÎHD) a Dêrsimê têkildarî zext û binpêkirinên leşker û polîsan ên li Dêrsimê daxuyanî da.
Daxuyanî, li pêşiya benda kontrolê ya Kemerbelê ya li ser rêya Pulurê hate dayîn.
Nûnerên rêxistinên girseyî yên demokratîk û partiyên siyasî yên bajêr jî tevlî daxuyaniyê bûn.
Hevseroka Şaxa ÎHD’ê Nûrşat Yeşîl daxuyand ku bendên kontrolê, azadiya gel bisînor dike.
Nûrşat Yeşîlê got:
“Çavdêriya bi kamireyan jiyana gund û bajaran serûbin kiriye.
Li her dera bajêr hêzên ewlekariyê bendên kontrolê danîne û mafê azadiyê binpê dikin.”
Nûrşat Yeşîlê anî ziman ku ev rewşa heyî, zirarê dide avadaniya xwezayî ya bajêr û aramiya wê.
