Li gorî Navenda Çavdêriya Mafên Mirovan a Sûriyeyê gora komî li nêzî benda kontrolê ya Telayî ya rejîma berê hate dîtin, bi kêmanî 8 term hatin derxistin.
Heman çavdêriyê diyar kir li bajarokê Nemer ê Derayê keçeke pirsgirêkên dirûnî pê re hene, dayika xwe bi kêrê kuşt û li taxa Remil a başûrê Laziqiyê jî 2 kes bi kêran ciwanek kuşt.
Navenda çavdêriyê eşkere kir ku li gundewarê Humisê ji ber teqîna mayînên bermahiyên şer 3 kes hatin kuştin. Li devera Sebxa ya Tedmurê jî mayînek bi erebeya barhilgir ve teqiya û di encamê de 2 kes birîndar bûn.
Her wiha li derdora bejahiya Meyadîn a gundewarê rojhilatê Dêrazorê jî fermandarekî ji îraqê di tîma endazyariyê de cih digirt,ji ber teqîna mayînekê ya bermahiyên şer jiyana xwe ji dest da.