Hat Nûkirin: Keştiya rêwiyan a bilez "Filo Jet", ku di navbera Bendera Gîrne û Bendera Taşucu de dixebite, duh piştî nîvro ku ji Gîrnê derket, li gorî şahidên bûyeran keştî av digire û di demeke kurt te keştî tije av dibe.
Keştî dema ku hewl dida vegere benderê, binav bû.
Keştî bi tevahî 267 kes hildigirtin, di nav wan de 259 rêwî û 8 peywirdarên keştiyê hebûn.
Piştî qezayê, 241 kes hatin rizgarkirin, her wiha mirina 8 kesan jî hat piştrastkirin.
Rayedarên Qibrisê dibêjin keştî li binê deryayê di kûrahiya 514 metreyan de ye.
Vê jî karê wan ê lêgerînê zehmetir kiriye.
Ji bo 18 kesên winda, xebatên lêgerîn û rizgarkirinê berdewam dikin.
Serokwezîrê Qibrisê: Tevî ajokarê keştiyê 9 peywirdar hatin binçavkirin
Serokwezîrê KKTK`yê Unal Ustel ragihandibû ku der barê qezaya li hemberî Gîrnê de û wekî "kerasata deryayî ya herî mezin a ku Qibrisê jiyaye" hat pênasekirin, lêpirsîn hat destpêkirin û kaptanê keştiyê tevî 9 peywirdaran hatine binçavkirin.
Hate hînbûn ku di derbarê kesên hatine binçavkirin de biryara 3 rojan a girtinê hate dayîn.
Li bakurê Qibrisê sê roj şîna neteweyî hat ragihandin
Piştî qezayê li Bakurê Qibrisê sê roj şîna neteweyî hat ragihandin.
Wê şîn heta 2`yê îlonê bidome.
Li Tirkiyê jî hin çalakî hatin betalkirin.
