Li Bengladeşê otobuseke rêwiyan ku nêzîkî 40 kesan hildigirt, kete nav çemê Padma, di encamê de herî kêm 24 kes mirin.
Qeza, duh dema ku ajokar kontrola otobusê ji dest dabû, qewimî.
Polîs, Dezgeha Agirkujiyê û Parastina Sivîlan gotin ku otobus wergeriya û di çem de bi qasî neh metreyan kûr noqî avê bû.
Karmendekî servîsa agirkujiyê anî ziman ku heta niha hatiye piştrastkirin ku 24 kes mirine û diyar kir ku 2 jin piştî hatine rizgarkirin jiyana xwe ji dest dan.
Her wiha got ku tîmên rizgarkirinê 22 term ji hundirê otobusa binavbûyî derxistine ku di nav wan de 6 mêr, 11 jin û pênc zarok hene.
© 2026 – NÛÇE TV Hemû maf parastî ne. Nûçe Rastî ye