Li Başûrê Kurdistanê hikûmeta nû hîn jî ava nebûye

Ev nêzî 10 mehin hilbijartina Parlementoya Herêma Başûrê Kurdistanê hatiye lidarxistin, lê heya niha birsgirêk berdewame û Partiya Demokratîk a Kurdistanê (PDK) û Yekîtiya Niştîmanî ya Kurdistanê (YNK), li ser avakirina hikûmeta nû li hev nekirine.

Çalakvan û gelên Herêma Başûrê Kurdistanê, nerazîbûna xwe destnîşan kirin û rexneyên mezin li partiyên (PDK) û (YNK) kirin.

"Metersiyeke mezin li ser destkeftiyên herêmê heye"

Çalakvan Bextiyar Beki, diyar kir ku xuyaye PDK û YNK li ser berjewendiyên xwe li hevkirine û rewşa gel ji bû wan ne girînge, ji ber heya niha, ti projeyên xizmetguzariyê nîne.

 Piştî Raperînê van du hêzan, qet li ser berjewendiyên gel li hev necivîne û hemû dahata herêmê li ser xwe parvedikin .

 Ev yek metirsiya herî mezin, li ser serwerî û destkeftiyên herêmê çêdike.

"Sedema ne avakirina hikûmetê, PDK û YNK bi xwe ne"

Beki dest nîşan kir ku destê Tirkiye, Îran, aliyên sune yên Iraq û welatên kendavê, di pêkanîna hikûmetê de heye û sedema ne avakirina hikûmetê, PDK û YNK bi xwe ye.

 Çalakvanê Seyîd sadiq Eta Kerîm jî, anî ziman ku sazûmanî li gorî sîstemê û yasayê nayê kirin û guh li avanî û parlementoyê nayê girtin.

 Di berdewamiya nirxandinên xwe de, çalakvan Eta Kerîm da xuya kirin ku divê parlemento kom bibe, serokatî û kabîneya nû ya hikûmetê bêne avakirin, lê ew vê yekê nakin, ji bo temenê desthilata xwe dirêj bikin.

``Hikûmeta Bexda, ji lewazbûna Hikûmeta Başûr sud digire``

 Di dawî de Eta Kerîm anî ziman ku Hikûmeta Bexda, ji lewazbûna her du aliyan sûdê digire, zêdetir bi ser ve tê û wan lewaztir dikin, ev yek jî xeteriyeke mezin li dijî destkeftiyên Herêma Başûrê Kurdistanê çêdike, lewma divê di demek kin de çareserî were dîtin.