Wezareta Pêşmerge ya Hikûmeta Başûrê Kurdistanê, ragihand ku duh alîkariya darayî ya Hevpeymanan a ji bo meha Cotmehê kete ser hesabê Wezareta Pêşmerge.
Li gorî daxuyaniyê, îro Rêveberiya Giştî ya Bûdce û Bernameyan (Jimaryariya Leşkerî) dê dest bi rêkarên darayî û jimariyê ji bo temamkirina amadekariyan bikin û sibe dê dest bi belavkirina alîkariyê bê kirin.
Wezareta Pêşmerge eşkere kir, di vê mehê de zêdetirî %97 ji efser, pileder û Pêşmergeyan dê bi rêya Projeya "Hejmara Min" alîkariya Hevpeymanan bi rêya sîstema bankê werbigirin.
