Bi boneya 77 saliya Damizrînerê PKK'ê Abdullah Ocalan li gelek bajarên Bakurê Kurdistanê çalakî û amadekariyên berdewam tên kirin.
Gelek saziyên Kurdî û welatiyên Bakurê Kurdistanê ji bo vê rojê daxuyanî dan û çalakî li dar xistin.
Platforma Saziyên Demokratîk a Rihayê dê di roja 4’ê Nîsanê de li mala Abdullah Ocalan a li Amarayê çalakiyekê li dar bixe.
Li ser vê bingehê jî dê ji gundê Erexê ku 3 km’yan dûrî Amarayê ye, ber bi mala Abdullah Ocalan ve meş were lidarxistin.
Piştî meşê dê pêşangeha wêneyên Ocalan a li malê ji beşdaran re were vekirin.
Tevgera Jinên Azad (TJA) di 31'ê adarê de ragihand ku ew ê ji 1'ê Nîsanê pê ve li kolanan bin.
Di 4'ê Nîsanê de ber bi Amara û di 19'ê Nîsanê de ber bi Gemlîkê ve meşekê pêk bînin.
Welatiyên ku beşdarî pîrozbahiya li Cirnê Rêş a Rihayê jî bûn dan zanîn ku ew ê li benda rojê bin ku rêberê wan bê azadkirin û di nav wan de were pêşwazîkirin.
Koordînasyona KJK'ê ji bo rojbûna Ocalan daxuyaniyek belav kir û wiha dest nîşan kir:
“Rojbûna 77an a Rêber Apo ku ji nû ve zindîbûna hesreta azadiyê ya gerdûnê, jinan û mirovahiyê û ji nû ve bûyînê ye, li jinên ku têkoşîna azadî û demokrasiyê dimeşînin, li gelan, li gelê me û hevrêyên komunalîst hemûyan pîroz be.”
